Gure sukaldeak
Espainiako eta Portugalgo enpresen talde bat gara, nazioarteko bokazioarekin. Gure sukaldeak (zortzi ekoizpen-zentro) Iberiar penintsulan (Espainia eta Portugal) daude kokatuta, eta bertatik mundu osoko berrogeita hamar herrialde baino gehiagotara esportatzen dugu.
Aneto fabrika Artés herrian dago (Bartzelona). Duela 40 urte inauguratu zuten, eta hasieran urdaiazpiko eta hestebete onduak prestatzen zituen. Horri esker, izen ona lortu zuen. Gaur egun salda naturala prestatzen du, etxean egiten denaren antzekoa. Espainiako merkatuari betiko moduan prestatutako salda eskaintzen dio, % 100 osagai naturalekin, eltze batean eta hiru orduz sutan egosten utzita. Desberdintasun bakarra eltzearen tamaina da, prestatzeko prozesua berdina baita.
Manlleuko fabrika pateak eta ogia igurzteko produktuak prestatzen dago espezializatuta. 2003ko ekainean inauguratu zuten, eta ziur asko mundu-mailako ekoizpen-zentro nagusietako bat da mota horretako produktuen prestaketan.
Riudarenes herrian (Girona) dago kokatuta, eta 1972an inauguratu zuten herrian bertan. Orduan hasi zuen San Franciscoko baserriko pastelak eta eztia prestatzeko ibilbide luzea. Geroztik, lanean eta hobetzen jarraitu dute, euren produktuak egunero kontsumitzen dituzten milaka familiak ilusioz betetzeko.
Villarejo de Salvanésen (Madril) kokatuta dagoen lantegia 1968an inauguratu zuen Juan Gómez Cuétarak, eta garai hartan Espainiako galleta-fabrika garrantzitsuena bihurtu zen. Instalazio horietan Cuétara markako produktu ezagunenak ekoizten dira. Barrutian ekoizpen-zentro berritzaile bat dago, baina urteetan zehar galleta-tradizioaren sentimenduari eutsi dio.
Reinosako industriagunea Kantabrian dago, Campoo-Los Valles eskualdean. 1951n inauguratu zuten; CUÉTARA galleten lehen fabrika izan zen, eta lehenengotako bat Espainian. Urte asko daramatza lan bikaina egiten, eta tradizioa, esperientzia eta betiko Cuétara galleta-maisuen jakinduria batzen ditu.
Orozkoko Artiach ekoizpen-zentroa 1984an inauguratu zuten. Bilboko Deustuko Erriberako fabrika zaharra ordezkatu zuen; izan ere, 1983an, Bilboko historiako uholde dramatikoenetako baten ondoren, itxi egin behar izan zuten, instalazio guztiak urez bete zirelako. Geroztik, taldearen fabrika nagusia izan da, eta bertan ekoizten dira Artiach marka ezagunenak.
Gulpilharesko lantegia Portugal iparraldean dago, zehazki Gulpilhares herrian (Vila Nova de Gaia), Portotik 13 km ingurura. Lantegiko lurrak Panrico familiak erosi zituen 1990ean, eta geroztik Panrico markako moldeko ogia ekoizten aritu dira.
Lisboa eta Portoren artean dago, erdibidean, Pombal izeneko herrian. 1973an inauguratu zuten. Fabrika tradizionala da galletak prestatzeko prozesuan, eta urteetan zehar egiteko moduari eutsi dio. Horrekin batera, lantegi lehiakorra da malgutasunari eta produktuen kalitateari begira. Ekoizpena Cuétara galleten gaman zentratzen du.
